2017-жылдын 28-майында 19 айылдык кеӊешке депутаттарды шайлоо өтөт

2017-жылдын 28-майында Кыргыз жеринде 19 айылдык, 2 шаардык кеӊештин депутаттарын шайлоо өтөт. Тийиштүү жарлыкка президент Алмазбек Атамбаев кол койгонун 27-мартта президенттик аппараттан билдиришти.

Жергиликтүү кеӊештин депутаттары шайланчу айыл округдары:

• Кадамжай районунун Совет айылы.
• Аксы районунун Кара-Жыгач айылы.
• Сузак районунун Кызыл-Туу айылы.
• Ак-Суу районунун Бөрү-Баш айылы.
• Жети-Өгүз районунун Кызыл-Суу айылы.
• Ысык-Көл районунун Бостери, Кара-Ой айылдары.
• Тоӊ районунун Улахол айылы.
• Араван районунун Юсупов айылы.
• Кара-Кулжа районунун Кара-Кулжа айылы.
• Кара-Суу районунун Ак-Таш, Жоош айылдары.
• Аламүдүн районунун Таш-Мойнок айылы.
• Жайыл районунун Полтавка, Красновосточный айылдары.
• Кемин районунун Көк-Ойрок айылы.
• Москва районунун Александровка айылы.
• Сокулук районунун Орок, Ново-Павловка айылдары.

Ошондой эле Жалал-Абад облусунун Көк-Жаңгак жана Ош облусунун Ноокат шаардык кеңештеринин депутаттарын шайлоо өтөт. Президенттин жарлыгы менен өкмөткө, Борбордук шайлоо комиссиясына, жергиликтүү бийлик органдарынын башчыларына шайлоого даярдык көрүү тапшырмасы берилди.