Бишкек-Ош жолундагы кар көчкүдөн каза болгондордун аты-жөнү (тизме)

Бүгүн, 28-мартта Бишкек-Ош жолунда кар көчкү тушүп, 3 унааны басып калган. Унаалардын биринде Транспорт жана жолдор министрлигинин 4 кызматкери болгон. Бул тууралуу аталган министрлик билдирди.

"Министр Жамшитбек Калилов, башкармалыктардын, бөлүмдөрдүн башчылары жана кызматкерлери каза болгондордун туугандарына жана жакындарына көңүл айтат", - деп жазылган министрликтин маалыматында.

Каза болгондордун тизмеси:

1. 1972-жылкы Анарбек Момуналиев Рапитбаевич - Ниссан Пикап унаасынын айдоочусу.

2. Нурбек Орунбеков - жүктөгүчтүн оператору.

3. 1969-жылкы Султангазы Жапаркулов Фронтбекович - жол кызматкери.

4. 1996-жылкы Курсант Акчабай уулу - жол кызматкери Акчабай Мураталиевдин уулу.

"Бул унаадан тышкары Субари Легасинин ичиндеги 1 айдоочу жана 2 жүргүнчүгө Токтогул райондук ооруканадан медициналык жардам көрсөтүлгөн", - деп кошумчалашкан министрликтен.