Апрель айында аба ырайы кескин түрдө өзгөрөт, Бишкекте жылуулук берүү өчүрүлбөйт

Апрель айынын башында аба ырайынын температурасы төмөндөй тургандыгына байланыштуу Бишкек шаарында жылуулук берүү токтотулбайт. Бул тууралуу бүгүн, 28-мартта өткөн маалымат жыйында "Улуттук энергетикалык холдинги" ачык акционердик коомунун башкармалыгынын төрагасы Айбек Калиев билдирди.

Анын айтымында, Өзгөчө кырдаалдар министрлигинин маалыматына ылайык, апрель айынын башында кар жаашы мүмкүн, аба ырайы -2 градустан -3 градуска түшөт.

"Бизде өзүбүздүн нормалар бар. Мындан улам күн жылыганга чейин жылуулук берүүнү улантууну чечтик. Биздин божомолдо жылуулук апрель айынын ортосунда токтотулат", - дейт ал.

Ал белгилегендей, Бишкектеги жылуулук борборунда көмүр белгиленген убакытка чейин жетет.

Эске салсак, жылуулук берүү аба ырайы 5 күн катарынан +8 градустан төмөн түшпөгөн учурда, мэриянын буйругу менен токтотулат.