Бишкек-Ош жолунда кар көчкү астында каза болгон жарандардын үй-бүлөлөрүнө жардам чогултууга эсеп ачылды

Бишкек-Ош жолундагы кар көчкүдөн каза болгон Транспорт жана жолдор министрлигинин кызматкерлеринин үй-бүлөлөрүнө атайын эсеп ачылды. Бул тууралуу бүгүн, 29-мартта министрликтин басма сөз кызматы кабарлады.

Эскерте кетсек, 27-марттан 28-мартка караган түнү Бишкек-Ош жолунун 255-чакырымында кар көчүп, жумуш боюнча жүргөн кызматкерлердин унаасын басып калган. Жыйынтыгында 4 адам каза болгон.

Каза болгондордун тизмеси:

1. 1972-жылкы Анарбек Момуналиев Рапитбаевич - Ниссан Пикап унаасынын айдоочусу.

2. Нурбек Орунбеков - жүктөгүчтүн оператору.

3. 1969-жылкы Султангазы Жапаркулов Фронтбекович - жол кызматкери.

4. 1996-жылкы Курсант Акчабай уулу - жол кызматкери.

"Жогорудагы белгиленгендердин артында үй-бүлөлөрү, ата-энелери, жубайлары жана балдары калды. Каза болгондордун баары жөнөкөй жумушчулар болчу. Алар аба ырайынын бузулганына карабай, өз жумушун аткарып жүрүшкөн. Жакындарына жардам берүү максатында министрлик атайын эсеп ачты. Ар бир каалоочу материалдык жардам көрсөтө алат", - деп жазылат маалыматта.

Эсептик номер:

Алуучу: Иманбай Ажыкулов Казакович (ишеним көрсөтүлгөн кызматкер).

БИК: 129037;

Эсептик счёт: 1290373480000042;

Кардардын эсеби: 03702417348201000127

Токтогул шаарындагы "РСК Банк" ААКы.

"Министрликтин кызматкерлери бир күндүк айлык акысын эсепке которсо, жол кызматкерлери жерге берүү зыйнатынын жоопкерчилигин өзүлөрүнө алышты", - деп кошумчаланган маалыматта.