Эл аралык уюм: Кыргыз өлкөсү шайлоо алдында ММКнын сөз эркиндигин колдоого алышы керек

Кыргыз өлкөсү ММКнын сөз эркиндигин колдошу керек, өзгөчө шайлоо алдында. Бирок өлкөдө медиатопторго басым күчөп жатат. Мындай билдирүүнү 28-мартта Human Rights Watch эл аралык укук коргоо уюму таратты.

Жогоруда аталган уюмдун билдирүүсүндө Кыргыз мамлекетинин Башкы прокуратурасы бийликти сындаган ММКларды сотко бергени айтылат. "Аларды президенттин кадыр-баркына шек келтирди жана жалган маалымат таратты деп күнөөлөп жатышат. Бул аракеттер сөз эркиндигинин стандарттарын бузуп жатат. Бийлик соттук доодон баш тартышы керек. Кыргыз Республикасынын бийлиги көз карандысыз ММКлардын ролун, “ойду эркин билдирүү” дегендин маанисин түшүнүп, соттук-жараяндан баш тартуусу зарыл”, - деп аталган уюмдун Европадагы жана Борбор Азиядагы директору Хью Уильямсон билдирди.

“Президенттин ишмердүүлүгүнүн кепилдиги жөнүндө” мыйзамдын 4-беренесинде президенттин кадыр-баркына шек келтирилген маалымат таратылса, мамлекет башчынын атынан Башкы прокуратура сотко кайрылууга милдеттендирилген. Кыргыз мамлекети мүчө болгон эл аралык келишимдердин жарандык жана саясий укуктары жөнүндөгү 19-беренесинде коомдук ишмерлерди анын ичинде президентти сындоодогу жаза мыйзамдары сөз эркиндигинин стандарттарына шайкеш келбейт", - деп жазылат маалыматта.