Апрель айы жылуу болушу күтүлүүдө

Өлкө боюнча апрель айы жылуу болот. Бул тууралуу Кыргызгидромет билдирди.

Чүй жана Талас облустарында абанын эң төмөнкү көрсөткүчү айдын башында болору күтүлүүдө. Анда Чүй облусунда түнкүсүн 6...8° жылуу болсо, айрым аймактарда аба ырайы 0…-2° көрсөткүчүнө түшүп, үшүк жүрүшү мүмкүн. Айдын экинчи жана үчүнчү бөлүгүндө күн жылып, түнкүсүн 3...8° - 9...14°, күндүзү 13...18° - 20…25° жылуу болот. Ал эми Таласта эң төмөнкү көрсөткүч айдын башына туш келип түнкүсүн 0…5° түзөт. Таласта да айдын экинчи бөлүгүнөн тарта күн ысый баштайт.

Ош, Жалал-Абад жана Баткен облустарындагы тоолуу райондордо аба ырайы 13...16º жылуу болот. Бул облустарда дагы эң төмөнкү 2…7° көрсөткүчү айдын башында болмокчу. Тоолуу аймактарында үшүк жүрүшү мүмкүн. Айдын 2-бөлүгүнөн тарта аба ырайы түнкүсүн 5…10°, күндүзү 20…25° болот. Жаан-чачындын деңгээли нормадан жогору болушу күтүлүүдө.

Ысык-Көл облусунда эң төмөнкү аба ырайынын көрсөткүчү айдын башына туш келип, түнкүсүн 0…5°, күндүзү 7…12° жылуу болот, ошол эле маалда айрым аймактарында үшүк жүрүшү күтүлүүдө. Айдын экинчи жана үчүнчү бөлүгүндө түнкүсүн 3...8° жылуу болсо, күндүз 13…18° жылуу болот.

Нарын облусунда айдын орточо температурасы климаттык нормада 7…9° жылуу болот. Ай бою температура туруктуу болбойт. Түнкүсүн -4°...1° - 2...7° болсо, күндүз 8...13° - 15…20° жылуу болот.