Бишкекте маринаддалган бадыраңга ууланып 4 адам ооруканага жаткырылды, арасында кош бойлуу келин бар

Республикалык жугуштуу оорулар клиникалык ооруканасына 29-30-март күндөрү ботулизм диагнозу менен 4 адам жаткырылды. Алардын экөө ооруканага өздөрү келишсе, экөө "Тез жардам" кызматы менен жеткирилген. Биринин абалы оор. Бул тууралуу Саламаттыкты сактоо министрлигинен 30-мартта билдиришти.

Маалыматка караганда, 28-мартта бейтаптар конокко барышкан (ал жерде жалпы 15 адам болгон). Алар үй шартында даярдалган маринаддалган бадыраң менен бадыраң кошулган оливье салатын жешкен. Баарына тийиштүү жардам көрсөтүлдү.

Маринаддалган бадыраңга уулангандар:

1. К. Э. 1994-жылы туулган. 8-9 жумалык кош бойлуу.

2. К. Ж. 1995-жылы туулган.

3. Т. Р. 1985-жылы туулган.

4. К. Г. 1941-жылы туулган.