Президенттик шайлоого байланыштуу БШК башка имаратка көчүрүлбөйт

Президенттик шайлоого байланыштуу БШК башка имаратка көчүрүлбөйт. Бул тууралуу бүгүн, 30-мартта өкмөттүн басма сөз кызматы билдирди.

Маалыматта башка имаратка көчүү убакытты жана техникалык мүнөздөгү кошумча түйшүктү талап кылары айтылат.

"Муну эске алуу менен, БШК алдыдагы шайлоого карата татыктуу даярдык көрүүдө чоң жоопкерчилик жүктөлгөндүктөн, башка имаратка көчүрүлбөй турган болду", - деп жазылат өкмөттүн билдирүүсүндө.

Эскерте кетсек, буга чейин Борбордук шайлоо комиссиясын азыркы «Айыл банк» ААК башкы кеңсеси жайгашкан имаратка (Бишкек шаары, Пушкин көчөсү, 50) көчүрүү сунушталган. Премьер-министр Сооронбай Жээнбеков кечээ, 29-мартта "Айыл банк" ААК азыркы имараттагы ижара мөөнөтүн 3 жылга узартуу боюнча өкмөттүн буйругуна кол койду.