Акыйкатчы: Окуучу кызга кол көтөргөн мугалим жумуштан айдалды

Бишкектеги №78-орто мектебинин мугалими 1-класстын окуучусуна орой мамиле жасаганы үчүн жумуштан бошотулду. Бул тууралуу бүгүн, 31-мартта Акыйкатчы институтунун басма сөз кызматы билдирди.

Маалыматка ылайык, 2016-жылдын 13-декабрында мугалим сабак өтүп жатканда окуучу кызга кол көтөрүп, муну менен анын адамдык намысына шек келтирген. "Кыздын апасы бул окуя боюнча Акыйкатчы институтуна арызданып, кызын башка класска которууну суранган. Жыйынтыгында комиссия түзүлүп, мектептин директорунан жана окуу бөлүмүнүн жетекчисинен түшүндүрмөлөр алынган. Окуучу кызга орой мамиле жасаганы үчүн мугалим Т.Жумалиева жумуштан бошотулган. Директорго жаш адистер менен этика боюнча иш-чараларды өткөрүү сунушталган", - деп айтылат маалыматта.