Темир Жумакадыров Коопсуздук кеңештин катчысы болуп дайындалды

Кыргыз Республикасынын Коопсуздук кеңештин жетекчилери дайындалды. Тийиштүү буйрукка бүгүн, 31-мартта мамлекет башчы Алмазбек Атамбаев кол койгонун президенттик аппараттын басма сөз кызматы билдирди.

Коопсуздук кеңештин катчысы болуп Темир Жумакадыров дайындалды. Анын биринчи орун басары болуп Адылбек Курбанов, орун басары болуп Алмазбек Курманалиев дайындалды.

Темир Жумакадыров Ысык-Көл облусунун Балыкчы шаарында 1979-жылы 4-августта туулган. Ал буга чейин аталган кызматты аркалап келген. Ошондой эле 2013-жылы коргоо кеңешинде катчынын орун басары болуп иштеп келген.