ЖЫЛНААМА, 1-АПРЕЛЬ: 208 жыл мурун белгилүү орус жазуучусу Николай Гоголь төрөлгөн

Мындан 208 жыл мурун, 1809-жылы 1-апрелде орус жазуучусу Николай Васильевич Гоголь Полтава губерниясындагы Миргород уездинде помещиктин үй-бүлөсүндө туулган. Н.В.Гоголь бала кезинен Украинанын кыштактарындагы элдин оор турмушун жакшы билип, жөө жомок, ыр, поэмаларды мыкты өздөштүргөн. 1818-жылы Полтава уездик окуу жайында окуп, андан Нежин жогорку гимназиясына кабыл алынган. 1821-1828-жылдары Нежин гимназиясында окуп жүргөндө инсан катары калыптанып, белгилүү профессор, окутуучулардын таасири менен коомдук аң-сезимин өстүрөт. Нежин декабристтердин кыймылынын борборунан алыс турганына карабастан, гимназисттер Александр Пушкиндин эркиндикти сүйгөн ырларынын, Кондратий Рылеевдин ырларынын духунда чоңоюшкан. Өзгөчө Нежин гимназиясынын инспектору рим окуусунун профессору Беларусовдун китептери, идеалык көз караштары Н.В.Гоголду толкунданткан. 1828-жылы университетке тапшыруу үчүн Санкт-Петербургга келет. Бирок жакырчылыктын айынан окууга өтпөй турмуштан абдан кыйналат. 1829-жылы В.Алов деген псевдоним менен "Ганс кьюха гантел" деген поэма жазат. Жазган чыгармасы катуу сынга учурап , кийинчерээк баарын өрттөп жиберет. Гоголдун жазуу манерасы абдан кызыктуу, стили жөнөкөй болгон. Жазуучунун белгилүү чыгармалары "Өлүү жандар", "Шинель", "Тарас Бульба" жана башкалар.

1-апрелге карата жылнаама.