Парламенттин тийиштүү комитетинде Кыргыз мамлекети менен Польшанын ортосундагы насыя боюнча келишими жактырылды

Бүгүн, 3-апрелде парламентте Агрардык саясат, суу ресурстары, экология жана регионалдык өнүктүрүү боюнча комитетинин Кыргыз мамлекети менен Польшанын ортосундагы насыя боюнча келишими жактырылды.

Айыл чарба, тамак-аш өнөр жай жана мелиорация министрлигинин маалыматына ылайык, 40 миллион евро өлчөмүндөгү насыя 25 жылга берилет.

“Келишим боюнча Польша тарабынан насыя берилгенден кийин Кыргыз өкмөтү дыйкандарга 5 пайыздык насыя берет. Бул каражат менен мал союучу жана кайра иштетүүчү ишканалардын курулушун каржыласа болот. Польшанын өкүлдөрү макулдашуунун жактырылышын күтүп жатат”, - деп аталган министрликтин статс-катчысы Максатбек Ташполотов билдирди.
“Өнүгүү-Прогресс” фракциясынын депутаты Мирлан Бакиров жана КСДП фракциясынын депутаты Асылбек Жээнбеков бул токтом долбоорду колдоо керек экенин айтты. Жыйынтыгында депутаттар тарабынан колдоого ээ болду.