Шаардык муниципалитетте жер үстүндөгү өтмөктөрдү куруу долбоору иштелип чыгууда

Бишкек шаарынын мэриясынын Капиталдык курулуш башкармалыгы соода борборлоруна жакын, шаардын кыймылдуу көчө кесилиштеринде лифт жабдууларын орнотуу менен жер үстүндөгү өтмөктөрүн куруу долбоорун иштеп жатат. Бул тууралуу бүгүн, 4-апрелде басма сөз кызматы билдирди.

Маалыматка ылайык, долбоорлор кыймыл көп көчөлөр боюнча иштелүүдө:

- Шабдан баатыр – Мамбетов көчөлөрү ("Мадина" соода базары);

- Жибек Жолу жана Муса Жалил көчөлөрүнүн ортосундагы Курманжан датка ("Аламүдүн" соода базары);

- Чүй проспектиси менен Шопоков кесилиши ("ЦУМ" соода борбору);

- Чүй проспектиси менен Бейшеналиев көчөсүнүн кесилиши ("Ош базары" соода базары).

2017-жылга карата иш пландарына ылайык, Шабдан баатыр - Мамбетов көчөлөрүнүн кесилишинде, Жибек Жолу жана Муса Жалил көчөлөрүнүн ортосундагы Курманжан датка көчөсүндөгү эки өтмөктү куруу пландалууда. Сынактык арыздарды ачуу үстүбүздөгү жылдын 17-апрелинде өткөрүлөт. Өтмөктөрдү куруу иштерин 2017-жылдын 31-августуна аяктоо пландалып жатат.