Бишкекте 4 айдын ичинде болгон жол кырсыктарынын кесепетинен 31 адам каза болгон

1-январдан 2-майга чейин, 4 ай ичинде Бишкек шаарында 773 жол кырсыгы катталган. Бул тууралуу Бишкек ШИИББинин басма сөз кызматы билдирет. Анын кесепетинен 31 адам каза болсо, 971 жаран жаракат алган. Былтыркы жылга салыштырмалуу жол кырсыктарынын саны 102,2 пайызга өскөн. Ал эми анын кесепетинен көз жумгандардын саны 63,2 пайызга жогоруласа, жаракат алгандардын саны 125, 8 пайызга өскөн.