Калия Молдогазиева: "Кумтөр" келишиминин мөөнөтү бүткүчө бизде мөңгү калбай калат"

“Кумтөрдөгү” бош кыртыштардын тездик менен жылышын изилдеген мамлекеттик комиссиянын мүчөсү Калия Молдогазиева “Кумтөр” келишиминин мөөнөтү бүткүчө Кыргызстан бир катар мөңгүлөрдөн ажырап калышы мүмкүн экендигин айтты. “Кумтөр” келишими 2042-жылдары бүтсө, анда бизде эч кандай мөңгү калбай калышы мүмкүн. Азыр эле Давыдов менен Лысый мөңгүлөрү таштандылар менен аралашууда. Таштандыдан чыккан ар кандай зыяндуу заттар аба жана суу аркылуу жергиликтүү жашоочуларга зыян алып келиши мүмкүн. Бул боюнча Нарын облусунун эли абдан тынчсызданууда”,- деди Молдогазиева.