Венесуэлада оппозициянын митингинде тартип сакчылар менен кагылышууда 20га жакын адам жаракат алды

Бүгүн, 7-апрелде Венесуэлада оппозициянын митингинде тартип сакчылар менен кагылышууда 20га чукул адам жаракат алды. Бул тууралуу чет өлкөлүк басылмалар жазып чыгышты.

Маалыматтарга ылайык, 10 адам ооруканага ар түрдүү жаракаттары менен жеткирилди. "Бул аптада оппозиция өкмөткө жана президент Николас Мадурого каршы бир нече акцияларды уюштурган. Буга чейинки митингде 50гө жакын адам полиция менен кагылышууларда жаракат алганы белгилүү болгон. Оппозициянын нааразычылык акцияларын уюштурууга Жогорку соттун президенттин ыйгарым укуктарын кеңейтүү боюнча чечими себеп болууда. Өлкө бийлиги жарандарды тынчтыкка жана чыдамдуулукка чакырды", - деп жазышат басылмалар.