Жер астындагы өтмөктө иштеген соодагерлер Ак үйдүн алдына митингге чыгышты

Бүгүн, 11-апрелде Жогорку Кеңештин имаратынын алдында митинг өтүүдө. Чүй-Абдрахманов менен Чүй-Айтматов көчөлөрүндөгү жер астындагы өтмөктө иштеген соодагерлер өтмөктөрдү оңдоого каршы чыгышууда. Алар оңдоо иштери бүткөн соң соода орундары азайып калат деп коркушууда.

Соодагерлердин бири Жамиля Осмонованын айтымында, өтмөктөрдө жалпысынан 83 соода орун бар. "25 жылдан бери иштеп келебиз. Мэрия даяр бизнести тартып алгысы келип жатат", - дейт соодагер.

Муниципалдык мүлк башкармалыгынын башчысы Султан Оморов жооп бергендей, 2014-жылы соодагерлер менен түзүлгөн келишим бүткөн. "Биз оңдоп-түзөө иштери боюнча эскертүү бергенбиз. Өтмөктөрдө сынактан өткөндөргө соода орундары берилет", - деди Өмүров.