Супер-Инфо
super.kg видео
ЭЛДИК КАБАР: Окурман Чүй облустук бириккен ооруканасынын балдар бөлүмү таракандарга толуп кеткенин айтууда
Чүй облустук бириккен ооруканасынын Балдар бөлүмүнүн санитардык абалы начар. Бул тууралуу окурман бүгүн, 12-апрелде SUPER.KG порталына WhatsApp аркылуу кабарлады.
"Ар бир палатада жана жуунуучу бөлмөлөрүндө таракандар көп экен. Түнү менен уктай албай, жарыкты жандырып жаттык. Бул жакка бир айлык балдар да келишет экен. Ал эми таракандар ар кандай ооруларды алып жүрүшөт", - деди окурман.
Мындан сырткары анын айтымында, кызынын бутун таракан чагып алган.
"Бир жума мурун келип жатканбыз. Бутун бир нерсе чагып кетиптир, чиркей го деп көңүл бурган эмесмин. Көрсө, таракан чагыптыр. Дарыгерге айтсам, моюнуна албай жатат. Эми жугуштуу оорулар ооруканасына барабыз", - деп кошумчалады ал.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
Чүй облустук бириккен ооруканасындагы таракандар (3)
Чүй облустук бириккен ооруканасындагы таракандар (2)
Чүй облустук бириккен ооруканасындагы таракандар
0
1 |