Супер-Инфо
super.kg видео
ТЕСТ: Кеттик космоско!
Бүгүн, 12-апрель - Бүткүл дүйнөлүк авиация жана космонавтика күнү. Адам баласы космосту багынткандан бери 56 жыл өттү. Бул арада жүздөгөн космонавттар Жер планетасын айланып өтүштү. Космостук жарыш, кызыктуу фактылар, анын ичинде Кыргызга тиешелүү окуялар тууралуу тесттен өтүп, өз билимиңизди текшерип көрүңүз.
1
2
3
4
5
6
7
8
9
10
11
12
13
14
Космос туризми бул ...
Космостук туризм 2001-жылы улуту итальян болгон америкалык ишкер Деннис Титонун учушунан башталган. Тито космосто 28-апрелден 6-майга чейин болгон. Саякаты үчүн 20 миллион доллар төлөгөн. Андан кийин алты турист космоско учкан. 2020-жылдардан кийин "Союз" космостук кемеси туристтерди Айга алып чыгары божомолдонгон.
Миф
Тыюу салынган багыт
Келечекте өнүгө турган тармак
Космостук кемелерди даярдоочу Байконур космодрому кайсы жерде жайгашкан?
Байконур - космостук кемелерди, орбиталык жана автоматтык планета аралык станцияларды учуруучу жана даярдоочу дүйнөдөгү ири космодромдордун бири. Казакстандын Кызыл-Ордо облусундагы Байкоңур шаарынын жанында жайгашкан. 1955-жылы курулган. Байкоңурдагы алгачкы учуруу сыноолору 1957-жылы май-сентябрь айларында өткөрүлгөн.
Казакстанда
Алтайда
Орусияда
Космоско чыгуучу аппараттарды жасаган белгилүү советтик конструктор ким?
Сергей Королёв советтик ракета-космостук техниканын жаратуучусу катары белгилүү. Анын демилгеси менен жана өзүнүн жетекчилигинин астында Жердин алгачкы жасалма спутниги учурулган. Ошондой эле Юрий Гагарин космоско учкан "Восток" кемеси Королёвдун жетекчилиги астында курулган.
Мстислав Келдыш
Александр Попов
Сергей Королёв
Космоско учкан биринчи аял космонавтты атаңыз...
Советтер Союзунун баатыры, биринчи аял-космонавт Валентина Терешкова 1963-жылы 16-июнда "Восток-6" кемеси менен космоско аттанып, анын учуу мөөнөтү үч күн, үч түнгө созулган. Светлана Савицкая космосто ачык мейкиндикке чыккан биринчи аял. Ал эми Ануше Ансари космоско турист катары чыккан биринчи айым.
Ануше Ансари
Валентина Терешкова
Светлана Сваицкая
Айдагы астронавттардын аты жазылган эстелик кимге арналган?
Айдагы "Курман болгон астронавт" скульптурасы 1971-жылы 1-августта Айга "Апполон-15" кемесинин командири Дэвид Скотт тарабынан орнотулган. Ал жерге каза болгон АКШнын 8, СССРдин 6 космонавтынын аты жазылган.
Учууга тыюу салынган космонавттарга
Космостон кайтпай калгандарга
Каза болгон космонавттарга
Космонавтика тарыхында иттен башка кайсы жаныбарлар космоско учурулган?
1961-жылы АКШ космоско шимпанзени учурган. 1968-жылы советтик "Зонд-5" аппараты менен эки ташбака космоско учурулуп, Айды айланып келишкен. Шимпанзе дагы, таш бакалар дагы тирүү кайтып келишкен.
Шимпанзе, таш бака.
Мышык, келемиш
Чычкан, кескелдирик
Жер орбитасына чыккан биринчи жаныбар жана анын аты?
1957-жылы 3-ноябрда советтик "Спутник-2" корабли менен орбитага биринчи болуп Лайка аттуу ит учурулган. Анын кайтып келиши пландалган эмес. Жерди бир-эки жолу айлангандан кийин ит аба ысып кеткенде өлүп калган. Иттин орбитада өлүшүн европалык жаныбарларды коргоочулар кескин сындап, анын ордуна Никита Хрущёвду орбитага жөнөтүшсө болмок дешкен.
Кескелдирик, аты Цыган
Мышык, аты Дикси
Ит, аты Лайка
Дүйнөдөгү космосту багынтуу боюнча тарыхый окуялар чагылдырылган сериал кайсы?
АКШ менен СССРдин илим изилдөөчүлөрүнүн ортосундагы космосту багынтуудагы жарыш 2005-жылы "Битва за космос" сериалында чагылдырылган. Долбоор Орусия, Америка, Германия, Улуу Британиянын катышуусунда ишке ашкан.
"Битва за космос"
"Марсианин"
"Звездные войны"
Космосту биринчилерден болуп багындыруу күрөшүндө СССР кайсы мамлекет менен атаандашкан?
СССР менен АКШнын космосту багындыруу боюнча күрөшү тарыхта "космостук жарыш" аталып калган. Супер держава аталган эки өлкө бул жарышында ири ресурстар тартылып, бир нече космонавттар каза болгон.
АКШ
Түндүк Корея
Кытай
Космосто жаңырган алгачкы кыргызча ырды билесизби?
"Жылдыздуу жердешим" эл аралык космос бекетинде 2005-жылдын 12-апрелинде жаңырган. Космонавтика күнүнө карата Салижан Шариповго арналган ырды Гүлнара Тойгонбаева менен Жамила Муратова аткарышкан. Сөзүн Кыялбек Урманбетов жазган.
"Асман"
"Жылдыздуу жердешим"
"Маш ботой"
Кыргызда өндүрүлгөн кайсы ичимдик космоско жөнөтүлүп турган?
1974–1976-жылдары профессор, медицина илимдеринин доктору Арстанбек Алтымышев иштеп чыккан "Арашан" бальзамы тарыхка космоско жөнөтүлгөн биринчи спирттик ичимдик катары кирген.
Кымыз
Бозо
Арашан бальзамы
Жалал-Абадда туулган, Юрий Гагарин менен бирге космоско алгачкы жолу учууга даярданган космонавт ким?
Марс Рафиков 1933-жылы 29-сентябрда Жалал-Абад облусунда туулган. СССРдин Космонавттарынын биринчи отрядына кабыл алынган. Анын аялы менен ажырашуу ниетинен улам "советтик космонавттын образына жана коммунисттик идеалдарга дал келбейт" деп отряддан бошотулган. Бирок космонавт катары иштей берген. Марс Рафиков 2000-жылы каза болгон.
Марс Рафиков
Герман Титов
Павел Попович
Кыргыздан биринчи жолу космосту ким багынткан?
Кыргыз жеринен биринчилерден болуп космосту Салижан Шарипов багынткан. Ал 1964-жылы 24-августта Ош облусунун Өзгөн шаарында туулган. Шарипов “Шаттл STS Endeowor” космос корабли менен Орусиянын 88, ал эми дүйнө жүзү боюнча 380-космонавт болуп космоско учкан. Салижан Шарипов космостон "Шак” деген ысым алган.
Юрий Лончаков
Талгат Мусабаев
Салижан Шарипов
Адам баласынын тарыхында биринчи ирет космоско ким учкан?
Советтик космонавт Юрий Гагарин “Восток” кемеси менен дүйнөдө алгачкы болуп космоско учкан. Ал "Байконур" космодромунан учуп, космос мейкиндигинде 108 мүнөт өткөргөн.
Валентина Терешкова
Юрий Гагарин
Нил Армстронг
"Гүлсарат", "Ак кеме"... Айтматовдун чыгармаларын унута элексизби?
Сиздин упайыңыз
9
1 |