Бишкекте эл аралык бюджеттик коомдоштуктун пленардык жыйыны өтүүдө

Бишкекте бүгүн, 12-апрелде РEMPAL бюджеттик коомдоштугунун пленардык жыйыны өткөрүлүүдө. Анда “Бюджетти башкаруу боюнча инструментарий” деген тема талкууга алынып жатат. Иш-чарага аталган бюджеттик коомдоштукка мүчө болгон 20дан ашуун өлкөлөрдүн, ошондой эле Дүйнөлүк банктын өкүлдөрү катышууда.

Жыйындын башкы максаттары - салык-бюджет жаатындагы тобокелдиктерди башкарууга, бюджеттик сабаттуулукка жана бюджеттин ачык-айкындуулугуна басым жасоо менен бюджетти башкаруу боюнча инструменттерди пайдаланууда эл аралык тажрыйбаны тааныштыруу. Ошондой эле бюджеттик коомдоштукка мүчө өлкөлөргө тажрыйба бөлүшүү жана топтордогу жумуштун алкагында каралган инструменттердин айрымдарын колдонуу варианттарын жана ыктымал болгон ыкмаларды талкуулоо мүмкүнчүлүгүн берүү.