Орусияда адамдын 403 тишинен эстелик жасашты

Орусиянын Санкт-Петербург шаарында тиш оорусуна арнап, адамдын 403 тишинен эстелик жасалды. Анын автору Марьяна Шумкова эстеликти жаратууда "Тиштер ден соолугу үчүн" аттуу акциянын жүрүшүндө медициналык көрсөтмөлөр боюнча жулунган тиштерди колдонгон. Бул тууралуу чет элдик маалымат каражаттары жазып чыгышты.

Марьяна Шумкованын айтымында, ал эстеликтин көрүнүшүн коркунучтуу кылууга аракет кылган. Себеби күчтүү эмоционалдык таасирди берүү адамдын гигиена сыяктуу жөнөкөй нерселерге олуттуу мамиле жасоосуна көмөктөшөт. Тиштерди жулдуруу же тазалатуу үчүн стоматологго кайрылуудан коркуп, ден соолугуна кайыл болуп жүргөндөр көп.

Учурда скульптура Санкт-Петербургдагы стоматологиялык клиникалардын биринде турат. Аны көргөзмөлөргө коюу мүмкүнчүлүгү талкууланууда.