Депутат Ноокат районундагы санаториялык мектеп-интернаты оңдоп-түзөөгө муктаж экенин билдирди

Бүгүн, 13-апрелде Жогорку Кеңеште “Кыргызстан” фракциясынын депутаты Алмазбек Токторов Ноокат районунун Жаңы-Ноокат айыл аймагындагы санаториялык мектеп-интернаты оңдоп-түзөөгө муктаж экенин билдирди.

Анын айтымында, ага мектеп-интернаттын эмгек жамаатынан кайрылуу түшкөн.

"Кайрылууда мектеп-интернат курулгандан тарта оңдолбой, азыр абалы начар экени жазылган. Бул маселе менен алар тиешелүү министрликке кайрылыптыр, чечилбегендиктен бизге кайрылды. Ал жерге өлкөнүн түштүк 3 облусунун кургак учук менен ооруган окуучулар, ошондой эле ата-энеси же жакын туугандары ооруп калган балдар кабыл алынат. Сүрөттөрүн көрдүм, абалы өтө начар экен. Бул жөнөкөй катардагы мектеп эмес, өзгөчө көңүл буруу керек", - деди ал.