Композитор Азат Дөөткулов бүгүн, 13-апрелде ооруканада дүйнө салды

Композитор Азат Дөөткулов бүгүн, 13-апрелде ооруканада дүйнө салды. Бул тууралуу SUPER.KG порталына ырчы Асема Токтобекова кабарлады.

"Абалын жакшы деп айтып жатышкан, бир аз убакыт мурун эле кайрадан начарлап кетиптир. Байке аябай жакшы адам болчу. Чыныгы чыгармачыл, жүрөгү таза. Анын бул дүйнөдөн кайтышы баарыбыз үчүн чоң жоготуу", - деди ырчы Асема. Анын сөөгү өзүнүн кичи мекени Кочкор районуна коюлат.

SUPER.KG порталынын эмгек жамааты Азат Дөөткуловдун көз жумганына байланыштуу үй-бүлөсүнүн, жакындарынын аза кайгысын тең бөлүшүп, терең кайгыруу менен көңүл айтат.

Эскерте кетсек, Азат Дөөткулов кант диабети менен ооруп, гангренасы бөйрөккө чейин жетип кеткенин кызы Акбермет билдирген.

Белгилей кетсек, Азат Дөөткулов Жийдеш Идирисова менен Нарист аткарган "Эдем алмасы" фильминин саундтрегинин автору, "Жаздагы кусалык", "Сүйүүгө өмүр тилейли" жана башка ырлардын обонун жазган. Ошондой эле Ырыс Окенова койгон "Гүл-гүл эжей" мюзиклдеги бардык музыкалык чыгармаларды иштеп чыккан.