Ошто “Women Expo” Жибек Жолу-2017" жарманкеси өтүүдө

13-апрелде Ош шаарынын Султан Ибраимов атындагы улуттук драма театрында “Жер-Азыгы” Кыргыз агроишкерлер ассоциациясы тарабынан уюштурулган “Women Expo” Жибек Жолу-2017" жарманкесинин ачылышы өттү. Ага Кыргыздын экс-президенти Роза Отунбаева, Ош шаарынын биринчи вице-мэри Замирбек Аскаров, бейөкмөт уюмдарынын өкүлдөрү, Тажикистан, Өзбекстан мамлекеттеринен жана Кыргыз облустарынан келген жеке ишкер айымдар катышууда.

“Мындай иш аракеттер жеке ишкерлерге мотивация берип, алардын бизнесин өнүктүрүүгө, башка мамлекеттердин ишкерлери менен кызматташууга көпүрө боло алат деп ишенем. Жарманке бир нече мамлекеттен келген жеке ишкер жана кол өнөрчү аялдардын башын бириктирип, жогорку деңгээлде уюштурулуп жатат,” - деген Замирбек Аскаров.

“Women Expo” Жибек Жолу-2017" жарманкеси 15-апрелге чейин өтөт.