Бишкекте “Эртең Жеңиш күнү” аттуу акция өтөт

8-майда саат 10:00дө Бишкек шаарындагы Чүй проспекти менен Жаш гвардия бульварынын кесилишинде “Эртең Жеңиш күнү” аттуу акция өтөт. "Иш-чаранын максаты - Улуу Ата Мекендик согушта курман болгон мекендештерибизди эскерүү, алардын көргөзгөн эбегейсиз, зор иштерине, майтарылбай Мекен үчүн туруп берген эрктерине таазим этип, куттуу Кыргызстандын келечек муундарынын өкүлдөрүнө Улуу Жеңиш күнүн даңктоо, Улуу Ата Мекендик согуштун ардагерлерине чын дилибизден ыраазычылыгыбызды билдирүү менен Жеңиш күнүн бүт өлкөгө жар салуу”,- дешет уюштуруучулар. Айта кетсек, акция Ж.Баласагын атындагы Кыргыз улуттук университетинин журналистика факультетинин студенттери жана "Айкөл Ала-Тоо" коомдук бирикмеси тарабынан уюштурулат.