Өлкө башчы христиандарды Пасха майрамы менен куттуктады

Кыргыз Республикасынын президенти Алмазбек Атамбаев бүгүн, 16-апрелде өлкөдөгү христиандарды Пасха майрамы менен куттуктады.

"Сиздерди христиандардын эң негизги майрамы - Пасха менен куттуктайм. Жакшылыктын, биримдиктин, сыйдын, тынчтыктын жана ынтымактуулуктун идеяларын алып жүрүүчү майрамдар биздин коомчулукта өзгөчө орунду ээлейт. Кыргыз эли Нооруз, Орозо, Курман Айт, Рождество жана Пасха майрамдарын бирге белгилегени жакшы салтка айланууда. Бул биздин эл үчүн өлкөнү бириктирген, анын өнүгүшүнө руханий негиз түзүп жаткан баасы жок дөөлөт.

Пасха майрамы адамдардын жакшылыкка жана адилеттүүлүккө болгон ишенимин бекемдөөсүн каалайм. Урматтуу мекендештер, сиздерге бакыт, чың ден соолук жана үй-бүлөлүк бакубатчылык каалайм!" - деген өз сөзүндө Алмазбек Атамбаев.