Кыргызда эреже бузган маршруттук каттамдардын жана такси кызматынын айдоочуларын катуу жазага тартуу сунушталууда

Кыргыздын активдүү жарандары эреже бузган маршруттук каттамдардын жана такси кызматтарынын айдоочуларын катуу жазага тартууну сунуштап, петиция түзүштү. Анын түзүүчүсү Алекс Гладышев маршруттук каттамдардын жана такси кызматтарынын айдоочулары көптөгөн кырсыктарга, ызы-чууларга себеп болсо да, убакыт көргөзгөндөй, жазаланбай келишерин жазып, көпчүлүгү айдоочулук күбөлүктү сатып алышкандыктан, жол эрежелерин билишпесин белгилеген.

"Кыргызга бир эле жолу келген киши да, кичи автобустардын, такси кызматынын айдоочулары жол эрежелерин көп бузушарын байкайт. Алар көптөгөн кырсыктарга себеп болсо да, эч кандай жазасын албай келишет. Андыктан айдоочулар борбордун көчөлөрүндө баш аламандыкты жаратууну улантышууда. Бул петиция менен Өкмөттү жана Ички иштер министрлигин мындай чоң көйгөйдү чечүүгө чара көрүп, эреже бузган коомдук транспорттун жана такси кызматынын айдоочуларын катуу жазалоого чакырам", - деп жазылган петицияда.

Петицияны колдогондордун саны 1028ге жетти.