ЭЛДИК КАБАР: "Ысык-Атада суу түтүктөрүн 2 айдан бери алмаштырбай жатышат" дейт окурман

Ысык-Ата районундагы Октябрь көчөсүндө суу түтүктөрүн 2 айдан бери алмаштырбай жатышканын бүгүн, 17-апрелде SUPER.KG порталына WhatsApp аркылуу окурман кабарлады.

"Алмаштыруу максатында казылган чуңкурларга суу толуп, жаш балдар түшүп кетүү коркунучу жаралууда. Элдер үйлөрүнө унаалары менен кире албай убара тартышууда. Бүгүн жумуш күнү болсо да, эч ким көрүнбөйт. Мындай болсо, булар жылдап бүтүрүшөт окшойт", - деди окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.