Бишкекте жоогазын гүлдөп, жыпар жыты шаардыктарга ырахат тартуулоодо

Бүгүн, 19-апрелде Бишкек шаарында аба ырайы таң эртеден баштап жылуу. Көпкө созулган жаан тургундарды кайрадан "чээнге" кубаласа, асман чайыттай ачылып, маанайды көтөрүүдө. Эгер сиз жаздын келишин чыдамсыздык менен күтүп, сагынган болсоңуз, Бишкектин борбордук аянтына бет алууну сунуштайбыз. Себеби ал жакка айдалган жоогазындар гүлдөп, айланасы жыпар жытка бөлөндү. Гүлдөгөн жоогазындарга күбө болгон тургундар бүгүнкү күнү жылмайып, кубанып, сүрөткө түшүшүүдө.

Эми быйылкы жоогазындар үзүлбөй, тебеленбей шаардыктарга көпкө чейин ырахат тартуулайт деген үмүттөбүз.

Эскерте кетсек, бул жоогазындар 2016-жылдын ноябрь айында "Жашылдандыруу-курулуш" муниципалдык ишканасы тарабынан айдалган.