Жанар Акаев депутаттар менен журналисттердин ортосундагы ажырымды жоюу керектигин айтты

Бүгүн, 19-апрелде Жогорку Кеңештин жыйынында эркин депутат Жанар Акаев депутаттар менен ММК өкүлдөрүнүн ортосундагы ажырымды жоюу керек экенин билдирди .

“Соңку учурда парламентти жек көрсөтүү аракети кимдир бирөөлөр тараптан көрүлүп жатат. ММКларда өлкөдөгү бардык көйгөйлөргө парламент күнөөлүү дегендей идеология жүрүп жаткандай. Чындыгында алардын пикиринде депутаттар ишке келбегендер, мыйзамсыз байыгандар, элдин көйгөйлөрүнө көңүл бурбагандар, саясий окуяларда өзүнүн пикирин айтпагандар, туугандарын жумушка орноштургандар. Ал эми депуттар “мен иштеп жатам, аны эч ким көрбөйт” деп журналисттерди күнөөлөйт. Ошондуктан ортодогу ажырымды жоюу үчүн бир пикирге келүүсү керек”, - дейт Жанар Акаев.

Жыйында "Жогорку Кеңештин Регламенти жөнүндө” мыйзамына өзгөртүүлөрдү киргизүү тууралуу” мыйзам долбоору каралып жатат.