Супер-Инфо
super.kg видео
Казакстанда сакал коюуга мыйзам чегинде тыюу салынышы мүмкүн
Казакстанда сакал коюуга мыйзам чегинде тыюу салынышы мүмкүн. Бул тууралуу чет өлкөлүк басылмалар жазышууда.
Маалыматтарга ылайык, Казакстандын президенти Нурсултан Назарбаев өлкөнүн Мусулмандар дин башкармалыгынын лидерлери менен болгон жолугушуусу маалында кыска шым кийип, сакал коюу казак салтына туура келбей турганын билдирди. Мамлекет башчы мындай көрүнүштөргө тыюу салуу маселесин мыйзам чегинде иштеп чыгууну сунуштады.
"Караңгылыктын айынан биздин жаштар сакал өстүрүп, шымдарын кыскартып алууда. Толугу менен карага чүмкөнүп алган казак кыздары көбөйдү. Бул биздин салтыбызга да, элибизге да жат көрүнүш. Буга мыйзам чегинде тыюу салуунун жолун караштыруу керек. Казактар аза күткөндө гана кара кийген", - деп билдирди Назарбаев.
Президент санариптик технологиялар өнүккөн доордо Казакстан "салттуу эмес диний агымдардын үгүтүнө" бөгөт коё алышы керектигин белгиледи. Назарбаев зарыл болгон учурда мамлекет Мусулмандар дин башкармалыгын колдоого даяр экенин айтты.
Казакстандын президентинин администрациясынын билдирүүсү боюнча Назарбаев өлкө үчүн салттуу ислам багыты катары ханафи мазхабын атады. Акыркы жылдары казак бийлиги өлкөдө исламдын башка агымдарынын, анын ичинде ваххабизм жана салафизмдин таасиринин өсүүсүнө карата бир канча жолу тынчсыздануусун билдирген.
0
Тушунсон Ислам бул терроризм эмес .Террористер Ислам динин жаман корсотуу максатында динди жамынып ар кандай жоруктарды жасап жатышат.