Нурсултан Назарбаев президент Алмазбек Атамбаевди Жеңиш күнү менен куттуктады

Казакстандын президенти Нурсултан Назарбаев өлкө башчы Алмазбек Атамбаевди Жеңиш күнү менен куттуктады. Президенттик аппараттын маалыматтык саясат бөлүмү билдиргендей, согуш талаасында бекемделген кыргыз-казак мамилелери мындан ары дагы стратегиялык өнөктөштүктү өнүктүрүүгө бекем негиз болоруна ишенерин айткан казак президентинин куттуктоосунда булар жазылган: 

“Учурдан пайдаланып Кыргызстанда жашаган Улуу Ата Мекендик согуштун  ардагерлерине чын жүрөктөн чыккан  куттуктоолорумду айтып, узак өмүр, чың ден соолук  жана бакубаттык, ал эми боордош кыргыз элине тынчтык жана өсүп-өнүгүү каалайм”.