Орусияда террорчулукка шектелген эки адам өлтүрүлдү

Москванын түштүгүндөгү Владимир облусундагы атышууда террорчулукка шектелген борбор азиялык эки согушкер жок кылынды. Бул тууралуу бүгүн, 20-апрелде Орусиянын Коопсуздук кызматына таянып жергиликтүү маалымат каражаттары жазышууда.

Маалыматтарга ылайык, 26 жана 30 жаштагы эки адам колго түшүп берүүгө көнбөй, Коопсуздук кызматынын өкүлдөрүнө каршы ок чыгарганда өлтүрүлгөн. "Коопсуздук кызматынын маалыматы боюнча, шектүүлөр эл аралык террордук топтор менен байланышта болушкан жана Орусиянын аймагында террордук кол салууларды уюштурууга даярданып жатышкан. Коопсуздук кызматкерлеринин арасында жабыр тарткандар жок. Ыкчам иликтөө иштери жүргөн жерде жардыруучу зат даярдоочу буюмдар, АК-74 автоматы, Макаров тапанчасы жана ок-дарылар табылган", - деп жазышат басылмалар.