Интернетте 2,5 миӊ долларлык сумканын 1 долларлык сумкага окшошуп калганы кызуу талкууга алынды

"Balenciaga" брендинин баасы 2,5 миң доллар (167 миң 500 сом) турган жаӊы сумкасы интернетте кызуу талкууга алынды. Себеби сумка IKEA фирмасынын керексиз буюмдарды же кир кийимдерди салууга ылайыкташкан, баасы 99 цент турган (болжол менен 66 сом) баштыгына окшошуп калган. Бул тууралуу чет элдик басылмалар маалымдайт.

Маалыматта колдонуучулар бааларында чоң айырма болгон баштыктардан акча табуу мүмкүн экендигин белгилешип, арзан баадагы сумканы "арзандатуусу" менен 1,5 миң долларга сатам деп тамашалап жазышкан. Ал эми кээ бири "Balenciaga" фирмасын аны туурагандыгы үчүн "IKEA" сотко бериши керек деген ойлорун билдиришкен.

Бул боюнча IKEA : "Аталган фирма чыгарган жаңы баштык биздин баасы 99 центке бааланган легендарлуу көк сумкабызга окшошуп калганына сыймыктанып жатабыз. Ал көк баштыктын универсалдуулугу менен эч нерсени салыштырып болбойт", - деп билдирген.