2012-жылдын 6 айында Кыргызстанга 11 885 оң рулдуу унаа келген

"2008-жылы өлкөдө оң рулдуу унаалар катышкан жол кырсыгы көбөйө баштаганда гана мындай унааларга көзөмөл күчөй баштаган". Бул тууралуу ИИМдин Жол кыймылынын коопсуздугун көзөмөлдөө башкы башкармалыгынын жетекчисинин орун басары Сөөлөт Бегалиев 8-майда маалымат жыйында айтты. 2009-жылы Кыргызстанга чет өлкөдөн оң рулдуу 7953, сол рулдуу 27924 унаа алынып келинген. Ал эми 2011-жылы 22218 оң рулдуу, 37636 сол рулдуу унаа келсе, 2012-жылдын 6 айында 11885 оң рулдуу, 30586 сол рулдуу унаа келген. Өлкөдө болуп жаткан автокырсыктар жалпы кырсыктардын 20 пайызын түзсө, анын 18,2 пайызына оң рулдуу унаалар катышат.