Чет элдиктер Кыргызды "суунун үстүнө асфальт төшөй турган жаңы технология тааптырсыӊар" деп мыскылдап жатышат

"Чет элдик таанышым "суунун үстүнө асфальт төшөй турган жаңы технология тааптырсыӊар" деп сурады, сыр алдырбай "секрет" деген жооп узаттым", - деди 21-апрелде "Ата Мекен" фракциясынын жыйынында депутат Садык Шер-Нияз.

Кыргыз мамлекетинин жол оңдоо тармагы оор абалда экенин айткан депутат: "Биринчи күнү барышып асфальтты тешип, эки күндөн кийин барып чайыр куюп кетишет. Үчүнчү күнү жамгыр жаайт", - деп билдирип, мындайда иш алдыга жылбай турганын белгиледи.

Депутат 2017-жылдын 3 айында өкмөттөн тасма тартууга канча акча бөлүнгөнүн сурап, каржы министри Адылбек Касымалиев жылдын биринчи кварталында тасма тартууга акча бөлүнбөгөнүн билдирди.