Кытайлык улгайган түгөйлөр өздөрү жашаган үйгө эки күмбөз салып, табыт менен жабдып алышкан

Кытайдын Юньнань провинциясындагы улгайган түгөйлөр өздөрү жашаган үйгө эки күмбөз салып, табыт менен жабдып алышкан. Бул тууралуу "The South China Morning Post" басылмасы кечээ, 24-апрелде жазып чыккан.

Маалыматтарга караганда, Лю Сян менен аялы 30 жыл мурун табыт сакталуучу жер астындагы үйдү 140 доллардай акча коротуп салышкан. Андан соӊ табыттарды сатып алышкан. Табыттын бирөөсү уктоочу бөлмөдө болсо, экинчиси конок бөлмөдө жайгашкан. Аларга жакын жерде тамактануучу стол орун алган.

Түгөйлөр мындай аракетин алардын үйүн эч ким мураска алгысы келбегени менен түшүндүрүшкөн. Лю Сяндын айтымында, ал аялы менен келишим түзүп алышкан. Келишимге ылайык, ким биринчи каза болсо, атайын даярдалган жерге коюлат. Ал эми экинчиси өмүрүнүн акырына чейин ошол үйдө калат.