"Жди меня" долбооруна көмөктөшкөн "Супер-Инфо" гезити аркылуу 12 жаран жакындары менен табышты

“Супер-Инфо” гезити февраль айынан баштап Кыргызстандагы “Жди меня” долбоору менен биргеликте иштешип келет. 3 ай аралыгында аталган гезит аркылуу 12 адам жакындары менен табышканы белгилүү болду. Буга байланыштуу бүгүн, 8-майда “Мир” телеканалынын чыгармачыл жамааты кеңсебизге келип, издешкен жакындарды табыштыруудагы “Супер-Инфо” гезитинин көмөгүн баса белгилеп, долбоордун жүрүшү тууралуу кыскача сюжет тартып кетишти. Долбоор тууралуу айтсак, Биринчи орусиялык канал менен ВИD телекомпаниясы “МИР” радиосу менен биргеликте долбоор баштап, анда түз эфирде өлкөдө изделип жаткан адамдардын ысымдары айтылат. Долбоордун уюштуруучулары Бишкек шаарындагы борбордук "Ала-Тоо" аянтында иш алпарып, анда бардык каалоочулар жоголуп кеткен жакындарынын сүрөттөрү менен келип, өз окуясын айтып бере алышат.