"Супер-Инфо" гезити жана SUPER.KG порталы кыргызстандыктарды Улуу Жеңиш күнү менен куттуктайт

Өз өмүрүн аябай, кийинки муунга эркиндик, тынчтык, акыйкаттык тартуулаган Улуу Ата Мекендик согуштун ардагерлеринин тайманбас эрдигинин жана күжүрмөн эмгегинин натыйжасында бүгүн ар бирибизге ыйык болгон 9-Май - Жеңиш күнүн майрамдап жатабыз. Буга себепкер болгон согуштун баатырларына жана ардагерлерге тизе бүгүп таазим этебиз. Алардын улуу эрдиги кийинки муундардын жүрөгүндө түбөлүккө жашайт. "Супер-Инфо" гезитинин жана SUPER.KG порталынын эмгек жамааты Улуу Ата Мекендик согуштун ардагерлерин, жалпы кыргыз элин Улуу Жеңиштин 68 жылдыгы менен чын жүрөктөн куттуктап, ачык асман, чың ден соолук, жакшылык, узак өмүр, ийгилик каалайт.