WhatsApp iOS версиясы үчүн жаңы пайдалуу функция кошту

WhatsApp'тын түзүүчүлөрү тиркемени жакшыртуу үчүн тынымсыз эмгектенип жатышат. Жакында эле Windows Phone менен Windows 10 Mobile үчүн тиркеменин бета-версиясында колдонуучу номерин алмаштырганы тууралуу телефонундагы байланыштарына жана группаларга автоматтык түрдө билдирүү кетирүүчү функция киргизилген. Ошол эле учурда колдонуучу кимге билдирүү кетерин тандай алат.

WhatsApp'тан iPhone колдонуучулары үчүн өзгөчө жаңылык. Тиркеменин түзүүчүлөрү Siri мүмкүнчүлүгүн кеңейтишти. Мурун колдонуучулар кабар жазып жана аудио билдирүү гана кетире алышса, эми колдонуучу Siri'нин жардамы менен келген билдирүүнү окута алат. Бул функция акыркы келген билдирүүнү окуп берет. Эми жолдо бара жаткан айдоочу үчүн билдирүү окуу көйгөй жаратпайт. Ал болгону Siri кызматынан окуп берүүнү өтүнүп коёт.

Бул мүмкүнчүлүктү колдонуу үчүн операциондук систем iOS 10.3 же андан жогору болушу керек. Ал эми так эле ушул функция Android операциондук системдерге иштелгени же иштелбегени тууралуу азырынча маалымдала элек.