Нарын. Шаар жетекчилиги Улуу Ата Мекендик согуштун ардагерлерин үйлөрүнө барып куттуктады

Касмаалы ата, 91 жашта. Улуу Ата Мекендик согуштун ардагери

Мукан ата, 88 жашта. Улуу Ата Мекендик согуштун ардагери

Акматбек ата, 91 жашта. Улуу Ата Мекендик согуштун ардагери

Сейитказы Андабеков, 90 жашта. КРнын Эмгек сиңирген артисти, Улуу Ата Мекендик согуштун ардагери

Балтакун ата, 95 жашта. Улуу Ата Мекендик согуштун ардагери

Тукеш ата, 90 жашта. Улуу Ата Мекендик согуштун ардагери

8-май күнү Нарын шаарында Жеңиштин 68 жылдыгына карата Улуу Ата Мекендик согуштун ардагерлерине сый-урмат көрсөтүү иш-чарасы болуп өттү. Нарын шаарынын мэри Баатырбек Жээналиев, вице-мэр Салтанат Эсенаманова жана Нарын шаардык аксакалдар кеңешинин төрагасы Арпачы Тайсалов ардагерлердин үйлөрүн кыдырышып, алардын ал-абалын суроо менен атайын даярдалган майрамдык белектерин тапшырышты. Өз учурунда ардагерлер жергиликтүү бийликтин мындай камкордугуна ыраазычылыктарын билдиришти.

Айта кетсек, Нарын шаары боюнча Улуу Ата Мекендик согуштун 7 ардагери бар.