Окумуштуулар Жердин орбитасында канча космостук таштанды бар экенин аныкташты

Жердин орбитасында канча иштебеген объект бар экенин аныктоо үчүн АКШнын аскер-аба күчтөрү эң кубаттуу радар колдонушкан. Алардын эсеби боюнча, иштебеген жабдуулардын саны 23 миңдин тегерегинде. Бул тууралуу Discover24 басылмасы жазды.

Алар ар кайсы маалда учурулган спутниктер, ракеталардын калдыктары, космостук жабдуулардын бөлүктөрү. Айрымдары өтө кичинекей - чоң кишинин муштумундай.

"Андай кичинекей көлөмдөгү таштандылардын ылдамдыгы саатына 40 чакырымга барабар. Бул иштеп жаткан космостук жабдуулар, спутниктер, космостук кемелер үчүн кооптуу. Спутниктердин саны жогорулаган сайын, абал курчуй берерин айтышат окумуштуулар. Бир кагылышуу бир нечесине алып келиши мүмкүн, ал өз кезегинде чоң кыйроолорго алып келет. Азырынча бир да окумуштуу таштандыларды чогулта алчу конструкция иштеп чыга элек", - деп жазылат маалыматта.

Буга чейин орбитадагы таштандыларды тазалоо аракеттери болуп, бири да ишке ашкан эмес.