Өзгөн районундагы көчкү алдында калган 6 үй-бүлөнүн болжолдуу тизмеси

Өзгөчө кырдаалдар министрлиги бүгүн, 29-апрелде Өзгөндөгү Заргер айыл аймагындагы Аюу айылында болгон жер көчкүнүн астында калган жарандардын болжолдуу тизмесин жарыялады.

1. Икрам Коргонбаев, аялы, 2 баласы, 2 кызы менен кошо көчкү алдында калды; (6 адам)

2. Матал Коргонбаев, 1 кызы менен көчкү алдында калды; (2 адам)

3. Хабибилла Ризабаев, аялы, 1 кызы, 2 небереси менен көчкү алдында калды; (5 адам)

4. Апсалам Ризабаев, аялы, 1 баласы, 1 кызы менен көчкү алдында калды; (4 адам)

5. Ибрахим Ризабаевдин 1 баласы көчкү алдында калды; (1 адам)

6. Артыкбай Камчиев, аялы, 2 баласы, 1 небереси, 1 келини менен көчкү алдында калды. (6 адам)

"Азыркы тапта кырсык катталган жерде 182 куткаруучу издөө иштерин улантып жатат. Ыкчам штаб түзүлдү. Кыргыз Республикасынын Куралдуу күчтөрүнүн Генералдык штабынан кошумча 100 жоокер тартылат. Учурда коопсуз аймакка 40ка жакын үй-бүлөнү көчүрүү иш-чаралары уюштурулуп жатат", - деп айтылат ӨКМнын маалыматында.

Айта кетсек, бүгүн, 29-апрель күнү эртең менен Өзгөн районунун Заргер айыл аймагындагы Аюу айылында жер көчкү жүрүп, 7 турак жайды басып калган. Анын бирөөсүндө эч ким жашачу эмес, ал эми 6 турак үйдө адамдар жашаган. Алдын ала маалымат боюнча жер көчкү алдында 24 адамдын калганы айтылууда.