Өзгөндө көчкү алдында калгандардын жакындарынан 3 адам ооруканага жеткирилди

Өзгөндө көчкү алдында калгандардын жакындарынан 3 адам ооруканага жеткирилди. Бул тууралуу бүгүн, 29-апрелде Саламаттыкты сактоо министрлигинен билдиришти.

Маалыматка караганда, азыркы тапта Өзгөн райондук ооруканасына 3 адам жеткирилди. Алар көчкү алдында калгандардын жакындары болушкан.

1. М. кызы Б. (истерикалуу невроз);

2. К.К. (истерикалуу невроз);

3. Х.Х. (геморрагиялык инсульт).

Азыркы тапта ооруканага жаткырылгандарга тиешелүү жардамдар көрсөтүлүп, дарыгерлердин көзөмөлүндө.

Эскерте кетсек, бүгүн, 29-апрель күнү саат 06:40 чамасында Өзгөн районунун Аюу айылында жер көчкү жүрүп, натыйжада 7 турак үйдү басып калган. Анын ичинен 1 турак үйдө эч ким жашабайт. Алдын ала маалымат боюнча болжол менен 6 үйдө 24 жаран көчкү алдында калып калышкан.