Өзгөндөгү жер көчкүдөн жакындарын жоготкон дагы төрт адам ооруканага жеткирилди

Бүгүн, 29-апрелде саат 16:00дө Өзгөндө көчкү алдында калгандардын жакындарынан дагы 4 адам ооруканага жеткирилди. Буга чейин 3 адам Өзгөн аймактык ооруканасына жаткырылганы кабарланган. Бул тууралуу Саламаттыкты сактоо министрлигинен билдиришти.

1. Д. кызы Т. 1990-жылы туулган (истерикалуу невроз);

2. А.Х. 1990-жылы туулган (истерикалуу невроз);

3. А.Х. 1990-жылы туулган (истерикалуу невроз).

4. Х.Т. 1990-жылы туулган (истерикалуу невроз).

Азыркы тапта ооруканага жаткырылгандарга тиешелүү жардамдар көрсөтүлүп, дарыгерлердин көзөмөлүндө.

Эскерте кетсек, бүгүн, 29-апрель күнү саат 06:40тар чамасында Өзгөн районунун Аюу айылында жер көчкү жүрүп, натыйжада 7 турак үйдү басып калган. Анын ичинен 1 турак үйдө эч ким жашабайт. Алдын ала маалымат боюнча болжол менен 6 үйдө 24 жаран көчкү алдында калып калышкан.