Алмазбек Атамбаев мекендештерди 1-Май майрамы менен куттуктады

Президент Алмазбек Атамбаев мекендештерди 1-Май - Эмгекчилердин эл аралык тилектештик күнү менен куттуктады. Бул тууралуу бүгүн президенттик аппараттын басма сөз кызматы билдирди.

“Бул майрам – баарыбыз эңсеп күткөн, жан дүйнөбүздү эргиткен, нукура элдик майрам. Тынчтыктын, жаздын жана эмгектин символу катары бул күн муундан муунга жүрөктө сакталып келе жатат. Чынында эле тынчтык менен эмгек – ар бир адамдын жашоосунда таяна турган кош дөөлөт. Ар кимибиз ак ниет эмгегибиз менен үй-бүлөбүздү, өлкөбүздү чыӊдап жатабыз. Мамлекетибиз мээнеткеч жана ак ниет жарандарын дайыма ар тараптан камкордукка алып, урматтап сыйлайт. Өлкөбүздөгү тынчтыкты, ынтымакты, биримдикти көзүбүздүн карегиндей сактайлы. Баарыӊыздарга бекем ден соолук, ачык асман каалайм”, - деп жазылат куттуктоодо.