А.Жээнбеков Ата Мекендик согуштун ардагерлеринин абалы менен таанышты

8-майда төрага Асылбек Жээнбеков Улуу Ата Мекендик согуштун катышуучулары Мария Кирсанова жана Александр Павликовдун ал-жайын суроо үчүн үйлөрүнө барды. Төрага ардагерлер менен баарлашып, алардын согушта көрсөткөн баатырдыгын, ооруктагы күжүрмөн эмгегин баса белгиледи. Ошондой эле аларга А.Жээнбеков Жогорку Кеңештин атынан акчалай жардам көрсөттү. Парламенттин басма сөз кызматы билдиргендей, аталган ардагерлер учурунда Кыргызстандын парламентинин (Жогорку Советтин) аппаратында эмгектенишкен.