Якутиялык 8 жаштагы альбинос кыз моделдик агенттиктердин көӊүлүн бурууда

Якутиялык 8 жаштагы альбинос кыз Нариана өзүнүн өзгөчө келбети менен дүйнөлүк моделдик агенттиктердин көӊүлүн бурууда. Интернетке анын сүрөттөрү тараган соң аны "Сибирдин апакайы" деп атай башташканын чет элдик басылмалар бүгүн, 2-майда жазып чыга башташты.

Нариана Якутиядан болот. Анын ата-энеси жана бир туугандарынын чачтары, көздөрү кара. Апасы Елена кызынын сүрөттөрү саркеч журналдарга жарыяланышын каалабайт.

"Кызымдын модель болушуна көптөгөн сунуштар түштү. Бирок анын өзүнүн бала чагы болушу керек", - дейт Елена. Учурда "апакай кызга" белгилүү дүйнөлүк моделдик агенттиктердин өкүлдөрү көз салып жаткандыгына байланыштуу ата-энеси кызына жеке агент алууну чечишти.

Белгилей кетсек, альбиностор – табышмактуу, сырдуу, сулуу жана планетадагы сейрек кездешүүчү адамдар. Тактап айтканда, алар – териси, чачы, каш-кирпиктеринен бери аппак болуп төрөлгөндөр. Медициналык статистикага таянсак, дүйнөдөгү ар бир 20 миң адамдын бири альбинос болуп төрөлөт. Оору тукум кууган оорулардын түрүнө кирет.