Москвада таштандыдан Кыргыз жарандарына таандык дене бөлүктөрүнүн табылганын элчилик иликтөөдө

Кыргыз Республикасынын Орусиядагы элчилиги Москвада таштандыдан Кыргыз жарандарына таандык дене бөлүктөрүнүн табылганын иликтөөдө. Бул тууралуу бүгүн, 2-майда аталган дипломатиялык мекемеден билдиришти.

Маалым болгондой, элчилик Москва шаары боюнча ИИМдин Башкы тергөө башкармалыгына, Орусиянын Тергөө комитетине жана прокуратура органдарына бул фактты текшерүү боюнча тиешелүү каттарды жөнөттү. "Бул маселе Элчиликтин көзөмөлүндө", - деп айтылат маалыматта.

Айта кетсек, 21-апрелде Москвадагы өлүккананын жанындагы таштанды челектердин биринен адамдын сөөктөрү, чачтары табылган. Бүгүн бул дене бөлүктөрү Кыргыз жарандарына таандык экени аныкталган деп орусиялык басылмалар жазып чыгышкан.