Орусия Камбар-Ата-1 ГЭСин куруу жана ишке киргизүү тууралуу макулдашууну ратификациялады

Орусиянын президенти Владимир Путин “Орусия менен Кыргызстандын өкмөттөрүнүн ортосунда Камбар-Ата-1 ГЭСин куруу жана ишке киргизүү тууралуу макулдашууну ратификациялоо жөнүндө” мыйзамга кол койду. Бул тууралуу Орусия президентинин басма сөз кызматы билдирди. Макулдашууда Кыргызстандын аймагында Камбар-Ата-1 ГЭСин жана бул ГЭС иштеп чыккан электр энергиясын жакынкы мамлекеттердин энергетика тутумуна экспорттоону камсыздоочу аба линияларын куруу жана ишке киргизүү долбоорун жүзөгө ашыруу каралган. Эскерте кетсек, жогоруда аталган макулдашууга 2012-жылдын 20-сентябрында Бишкекте кол коюлган.